Түркістан облысында 27 млн теңге төленбеген айыппұлы бар жүргізуші анықталды
Түркістан облысында жүргізушінің жол ережесін бұзғаны үшін 27 миллион теңге көлеміндегі өтелмеген айыппұлы бары анықталды. Бұл туралы Stan.kz ақпарат агенттігі хабарлайды.
Фото: freepik.com
Жүргізушінің жеке басы анықталып, көлік айыпұл тұрағына жеткізілді.
Түркістан облысы бойынша патрульдік полиция қызметкерлері үлкен көлемде өтелмеген айыппұлы бар 47 жастағы көлік жүргізушісі туралы хабарлама алған.
"27 миллион теңге айыппұлы бар Toyota Camry 55 автокөлігінің иесі Түркістан қаласының тұрғыны екені анықталды. Көлік айыппұл тұрағына қойылды. Тәртіп сақшылары жүргізушіге қарыз және әкімшілік айыппұлдарды уақтылы өтеу керектігін түсіндірді", – делінген полиция хабарламасында.
Талқылау