Төрехан Сабырхан әлем чемпионатының ең үздік боксшысы атанды
Бокстан жастар арасындағы Қазақстан құрамасының капитаны Төрехан Сабырхан әлем чемпионатының ең үздік боксшысы атанды. Бұл туралы Stan.kz ақпарат агенттігі хабарлайды.
Фото: ҚБФ
Жастар мен жасөспірімдер арасындағы Азия чемпионатының 4 дүркін жеңімпазы Төрехан Сабырхан Черногорияның Будвада қаласында өткен жастар арасындағы әлем чемпионатының жеңімпазы ғана атанып қоймай, әлем біріншілігінің ең үздік боксшысы атанды. Тамаша өнерімен талайды тамсандырған Төрехан Сабырхан финалға дейін қарсыластарына еш мүмкіндік бермей ұтты. 67 келі салмақта сынға түсіп жатқан отандасымыз алғашқы екі кездесуін айқын ұтып, ширек финалда да өзбекстандық былғары қолғап шеберін айқын ұтса, жартылай финалда қытайлық боксшыны 5:0 есебімен тізе бүктірді. Ал финалда кубалық Дэвид Мануэль Эспиноса Сантояның мысын басты.
Айта кетейік, бұған дейін бокстан Қазақстан құрамасы жалпыкомандалық есепте бірінші орын алғанын жазған едік.
Балалар құсып, іші өтіп жатыр: Қазақстанда инфекция таралып жатыр ма?
Мамандар әзірге ауру жаппай өршіді деуге негіз жоқ екенін айтады
"Шай құймаймын, бір рет те тамақ пісірмедім": Түрікке тұрмысқа шыққан қазақ қызы енесімен қарым-қатынасы туралы айтты
Дина: “Күйеуім Алматыдан үй алуыма көмектесіп, ауырғанда жанымнан табылды”