Тоқаев Путинге және орыс мектебіндегі атыс кезінде қаза тапқандардың отбасыларына көңіл айтты
Қазақстан президенті Қасым-Жомарт Тоқаев Ресей президенті Владимир Путинге Ижевск қаласындағы мектепке жасалған шабуыл салдарынан адамдардың қаза болуына байланысты көңіл айту жеделхатын жолдады, деп хабарлайды Stan.kz ақпарат агенттігі.
Тоқаев балалардың қазасы туралы хабар ауыр тигенін айтып, зардап шеккендердің сауығуын тіледі.
"Ресей Федерациясының Ижевск қаласындағы №88 мектепке адамгершілікке жатпайтын шабуылдың салдарынан азаматтардың, соның ішінде балалардың қаза тапқаны туралы қайғылы хабарды үлкен өкінішпен қабылдадым. Барлық зардап шеккендер тез сауығып кетсін", - деп жазды Тоқаев жеделхатында.
Ресейдің Ижевск қаласындағы мектепте атыс болды. Соңғы мәліметтерге сәйкес, білім мекемесінің күзетшісімен қоса 15 адам қаза тапқан.
Атыс сабақ болып жатқан уақытта басталған. Жедел ақпаратқа сүйенсек, қара киім киген ер адам сыныпқа басып кіріп, қолындағы қарумен оқ жаудырған. Осы кезде мектеп директоры жарақат алған жасөспірімдердің бірімен кабинетте тығылып, қауіпсіз жерге жасырынып үлгерген.