Тоқаев қазақстандықтарды көлік жүргізу куәлігін алып жүруден босатты
Президент Қасым-Жомарт Тоқаев қазақстандықтарға жүргізуші куәлігін және техпаспортты өзімен бірге алып жүрмеуге рұқсат беретін заңға қол қойды, деп хабарлайды Stan.kz ақпарат агенттігі.
"Мемлекет басшысы "Қазақстан Республикасының кейбір заңнамалық актілеріне жол жүрісі мәселелері бойынша өзгерістер мен толықтыру енгізу туралы" Қазақстан Республикасының Заңына қол қойды", - делінген Ақорданың баспасөз хабарламасында.
Заңға сәйкес, жүргізуші куәлігін немесе техпаспортты үйде ұмытып кеткен жағдайда айыппұл салынбайды.
- Қазақстанда түтіні шығатын көліктердің иелері айыппұл төлейді
- "4 млн теңгеге ереже бұзған": Нұр-Сұлтанда ер адам төрт түрлі жалған нөмірмен көлік жүргізіп жүрген
Тиісінше, қазақстандық жүргізушілерге өзімен бірге жүргізуші куәлігі және тіркеу куәлігін алып жүрмеуге мүмкіндік береді. Полиция қызметкерлері азаматтардың жеке куәліктері бойынша электрондық деректер базасы арқылы адамның құжаттарының бар-жоғын тексереді.
Алайда бұл жеңілдік шетелдіктерге қолданылмайды.
Еске салайық, "Қазақстан Республикасының кейбір заңнамалық актілеріне жол жүрісі мәселелері бойынша өзгерістер мен толықтырулар енгізу туралы" заңды қарап, қабылдады. Бұл құжат парламент депутаттарының бастамасымен әзірленді. Заңға көлік жүргізген кезде жүргізуші куәлігін және көліктің тіркеу құжаттарын өзіңмен бірге алып жүрмеуге мүмкіндік беретін нормалар енгізілді.
Құжат қол қою үшін мемлекет басшысына жіберілді.