Тоқаев қазақстандық вакцинаны салғызуға дайын екенін мәлім етті
Мемлекет басшысы Қасым-Жомарт Тоқаев отандық вакцина салдыруға дайын екенін жеткізді, деп хабарлайды Stan.kz ақпарат агенттігі.
"Коронавирус дағдарысын өткерудің ең тиімді және жүйелі шарасы - жаппай вакцинация екені белгілі. Елімізде бұл үрдістің сапалы өтуіне барлық жағдай жасауымыз керек. Сондықтан 1 ақпаннан бастап халықты жаппай вакцинациядан өткізуді үкімет пен әкімдіктегілерге тапсырамын", - деді Тоқаев.
Бұған қоса, ол міндетті түрде қазақстандық вакцина салғызатын жеткізді.
-
Мемлекет басшысы елдегі баяу интернетке жауаптыларды жауапкершілікке тартуды тапсырды
-
Президент: Елімізде қағаз жүзінде ғана жұмысқа орналастыру белең алып отыр
"Отандық вакцинаның жағымды нәтижелеріне үмітіміз зор. Егер барлығы біз ойлағандай болса, мен дәл осы қазақстандық екпені өзіме салғызамын", - деп қосты президент.
Бұған дейін Тоқаев елдегі жаппай вакцинацияға байланысты дүрбелең туғызбауды тапсырған болатын.