Шымкент қаласының тұрғыны Бақытгүл Қожахметова 16 жасар қызын оқу ісінің меңгерушісі кабинетінде учаскелік инспектор ұрып-соғып кеткенін айтады. Анасының айтуынша, оқиға 6 қазанда болды. Сол күні полиция рейд жүргізіп, бірнеше жоғары сынып оқушыларының сөмкелерінен, оның ішінде Бақытгүл Қожахметовадан темекі тапқан. Қызды директор орынбасарымен әңгімеге шақырды.

“Қазір психологты шақырамын, екеуміз наркологияға барамыз деп айтқанда 16 жастағы жеткіншек қорқып “темекі шексем, осында шегемін” деген. Инспекторды бұл сөздер ашуландырып, ол телефонмен қыздың басынан бірнеше рет ұрған”, Бақытгүл Қожахметова, оқушының анасы.

Анасының айтуынша, соққы басына тиген. Қыз үйінде өзін нашар сезіне бастаған. Кешке басы ауырып, құсқан. 9 қазанда ол жабық ми жарақатымен балалар ауруханасына жатқызылды.

"Ешкім сенбеген соң диктофонға жазып алған": Оралда өгей әкесі кәмелетке толмаған қызды төрт жыл бойы зорлап келген

“Қыз бізге шұғыл жағдайда келді. Кезекші дәрігерлер ем тағайындады. Қазіргі уақытта ол біздің бөлімшенің нейрохирургтарының бақылауында. Баланың жалпы жағдайы орташа, бүгін құсқан жоқ, соңғы рет кеше құсты”, – дейді Шымкент қаласының балалар клиникалық ауруханасының травматология бөлімінің меңгерушісі Болат Нұсқабаев.

Инспектор пікір беруден мүлдем бас тартты. Мектепте ұрып-соғу және қысым көрсету фактісін растаған жоқ.

Шымкент қаласының №43 мектебінің меңгерушісі Рано Тлеубердиева “Қызға ешқандай қысым болған жоқ, оған ешкім қолын көтерген жоқ. Инспектор түсіндіру жұмыстарын жүргізді. Қазір инспектор еңбекке уақытша жарамсыздық демалысында.

Жарақаттан кейін қыз қалпына келу процесінен өтіп, невропатологта бақылануы керек. Анасының айтуынша, қызының басының ауырғаны басылар емес. Бақтыгүл Қожахметова полицияға арыз жазған.

Талқылау