Шымкентте әйел такси көлігінің терезесін кірпішпен ұрып сындырған
Шымкентте әйел такси жүргізушісінің көлігінің терезесін кірпішпен сындырған. Әлеуметтік желіде оқиға орнында түсірілген видео тарады. Кадрлардан әйел адамның көліктің бүйір және артқы терезелерін кірпішпен ұрып, сындырғанын көруге болады. Бұл туралы Stan.kz ақпарат агенттігі хабарлайды.
Видеодан әйелдің "Яндекс.Такси" қызметінің жапсырмасы бар көлікті зақымдап жатқаны анық байқалады.
Шымкент қалалық полиция департаменті оқиғаға қатысты іс қозғалғанын мәлімдеді.
“Өзгенің мүлкін қасақана бүлдіру фактісі бойынша қылмыстық іс қозғалды. Күдікті ұсталып, уақытша ұстау изоляторына қамалды. Тергеу және тағайындалған сараптамалар нәтижесі бойынша тиісті процестік шешім қабылданады", – делінген хабарламада.
Оқиғаның басқа жай-жапсары әзірге жарияланған жоқ.
Айта кетейік, бұған дейін Қазақстандық такси жүргізушісі жолаушы әйелмен арадағы әңгімені жазып алып, оны бопсалағаны туралы жазған едік.
"Мәйітін алып келуге 2 апта кетеді": Вьетнамға қызымен демалуға барған қазақстандық әйел көз жұмды
Турагенттіктің айтуынша, ертесі оған әйелдің қызы хабарласып, анасының көзін ашпай жатқанын айтқан
"Семіз екенімізді білеміз, айта берудің қажеті жоқ": Қазақстандықтар қоғамда толық адамдарға ашық қысым көрсетілетініне шағымданды
Алматылық: “Мә, қайда өсіп бара жатсың, дәу боп кеткенсің ғой” деу қаншалықты орынды?"