Сауда Арабиясында алғашқы кинотеатр мен опера үйі ашылатын болды
Сауда арабиясында алғашқы кинотеатр мен опера үйінің пайда болатыны туралы ақпаратты королдіктің ойын-сауық бойынша ұйымының басшысы Ахмет әл-Хатыб жария етті.
Бұл туралы ол Reuters агенттігіне сұхбат берген.
“Королдік біраз уақыттан кейін алғашқы кинотеатрды ашып, алғашқы әлемдік опера үйін салады. Королдіктегі өзгерістерді қазір конверваторлар көп сынайды. Бірақ, бұл өзгерістерді жасы 30-ға дейін саудиялықтар қалайды”, – деді әл-Хатыб.
Ол сондай-ақ, саудия жастарының шетелге шыққан кезде кинотеатрлар мен ойын-сауық орталықтарына жиі баратынын айтты.
Еске салсақ, қатаң ислам тәртібімен өмір сүретін Сауда Арабиясында әлі күнге дейін кинотеатр, театр, концерт залдары және басқа да ойын-сауық орталықтары жоқ. Олар ондай орындардың елде пайда болуын мұсылманшылыққа жат, қауіп төндіретін өзгенің мәдениеті деп түсінеді.
Оқи отырыңыз:
Coca-Cola компаниясы 1,2 мың қызметкерін жұмыстан босатпақ
Түркияға бет алған ұшақ бортында сәби дүниеге келді (фото)
Бішкекте келіншек ЭКО көмегімен үшемді дүниеге әкелді
Қытайда сәбиге мұсылман дініне қатысы бар есімдерді қоюға тыйым салынды