Ресейде мобилизация аясында 200 мыңнан аса адамды әскерге алып кеткен

Ресейде жартылай мобилизация аясында 200 мыңнан аса азамат запастан қарулы күштердің қатарына қосылды, деп хабарлайды Stan.kz ақпарат агенттігі. 

Сурет: ТАСС басылымынан

Ресей қорғаныс министрі Сергей Шойгудың сөзінше, мобилизацияланған азаматтар әскери тактикалық жаттығудан кейін соғыс аймақтарына жіберіледі. 

"Жартылай мобилизайция аясында 200 мыңнан аса адам Ресей Федерациясы қарулы күштеріне келді. Оларды әскери тактикалық дайындықтан кейін бұған дейін жасақталған топтармен бірге арнайы операция өтетін аймақтарға жіберіледі", – деді ол.

• Украина жедел түрде НАТО-ға мүшелікке өтініш берді

• "Қырымды Ресейдікі деп мойындасын": Илон Маск Ресей мен Украина арасындағы қақтығысты реттеу жолын ұсынды

Айта кетейік, 21 қыркүйекте Владимир Путин әскердің бір бөлігін мобилизациялау (мемлекеттің қарулы күштерін бейбітшілік жағдайдан соғыс жағдайына көшіру) туралы қаулыға қол қойған еді. Оның сөзінше, бұл Ресейдің егемендігі мен біртұтастығын сақтау үшін жасалған. Сонымен қатар әскери қызметке барлық азаматтар емес, запастағы әскерилер шақырылады.