Шетелдік басылым мәліметінше, Ресей армиясы шабуыл жасау үшін 50 мың адамнан тұратын күш жинаған. Жақын күндері басталуы мүмкін шабуылдың басты мақсаты, бүкіл Курск облысына бақылауды қалпына келтіру.

Батыс пен Украинаның ресми өкілдерінің айтуынша, Солтүстік Корея әскерлерінің Курск аймағына келуі "үлкен шиеленіс" тудырады.

Украинаның Курск облысының кейбір аймақтарына бақылау орнатуы, Газадағы мектепке шабуыл, Маймыл шешегінің өршуі: Әлемде не болып жатыр

"Шекаралық аудандарды азат ету үшін жасалып отыр": Зеленский Ресейдің Курск облысына басып кіргенін мойындады

“Солтүстік Корея Курск аймағына соғысу үшін 10 мыңнан астам әскерін жіберді. Әскерилер ресейлік киім киіп, солардың қару-жарағын асынған. Бірақ өздерінің жеке бөлімшелерінде соғысуы мүмкін. Жаттығуда Ресей солтүстік кореялықтарды артиллериялық атыс, жаяу әскердің негізгі тактикасы және траншеяларды тазарту бойынша жаттықтырады. Солтүстік Кореяның кейбір күштері Украинаның бекінген қорғаныс позицияларына фронтальдық шабуылдар жасайды”, – деді Пентагон өкілдері.

Сарапшылардың пайымдауынша, Солтүстік Корея әскерлері жеңіл жаяу әскер ретінде соғысады. Бұл әскерді айтарлықтай шығынға әкелуі мүмкін дейді.

Операция сәтті аяқталса, Ресей өз шекарасында тоқтамай, украин әскерлерін одан әрі ығыстыруға тырысуы мүмкін. Сонымен бірге кейбір америкалық шенеуніктердің пайымдауынша, Солтүстік Корея Ресей әскерлері Украинаға кірген кезде өз әскерлеріне шекарада тоқтауға бұйрық беруі мүмкін.

Айта кетейік, бұған дейін 6 тамызда Ресей Украинаның қарулы күштері Сумымен шектесетін Ресей Федерациясының Курск облысының Суджа және Коренев аудандарына шабуыл жасағанын мәлімдеген еді.

Талқылау