Қазақстандық мұғалімдерге кешкі сағат 18:00-ден кейін ата-аналарға жауап бермеуге рұқсат етілмек
Оқу-ағарту министрлігі мұғалімдердің ата-аналармен кешкі сағат 18:00-ден кейін қарым-қатынасын шектеу мәселесін қарастырады. Бұл туралы Stan.kz ақпарат агенттігі хабарлайды.
Бұл туралы оқу-ағарту министрі Жұлдыз Сүлейменова мәлімдеді.
Журналистер министрден педагогтер кешкі уақытта ата-аналар чаттарындағы хабарламаларға жауап беруге міндетті ме және бұл үшін арнайы қызметкер қарастырыла ма деп сұрады.
"Біздің ұстанымымыз нақты: ата-аналар чаттарында сағат 18:00-ге дейін сұрақтар қоюға болады деп есептейміз. Ал 18:00-ден кейін әр мұғалімнің жеке өмірі бар және оны құрметтеу қажет", – деді Сүлейменова.
Министрдің айтуынша, биыл "Педагог мәртебесі туралы" заңға өзгерістер енгізіліп, онда мұғалімнің сабақ уақытындағы және сабақтан тыс уақыттағы міндеттері, сондай-ақ мектептегі және оқу процесіндегі жауапкершілігі нақты көрсетілген.
"Біз мұның барлығын заңнамалық тұрғыдан шектедік. Ал сағат 18:00-ден кейінгі уақытқа қатысты мәселені де ата-аналар қауымдастығымен бірге пысықтайтын боламыз", – деді министр.
Еске салсақ, бұған дейін Тоқаев мұғалімдерді жөндеу жұмыстарына және қоғамдық іс-шараларға тартуға тыйым салған еді.
Аспаннан ақша шашылса немесе көшеден ақша тауып алсаңыз, оны бірден иемденуге бола ма
Заңгер табылған ақшаны ешкімге хабарламай алып кету заңды әрекет емес екенін айтады
Қазақстанда рейс кешіксе, жолаушы не істеуі керек және өтемақыны қалай алады
Рейс 5 сағаттан астам кешіккен жағдайда жолаушы ұшудан бас тартып, билет құнын толық қайтаруды талап ете алады