Қазақстанда келесі жылы қатерлі ісікке қарсы дәрі пайда болмақ
Ғылым және жоғары білім министрі Саясат Нұрбек қазақстандық қатерлі ісікке қарсы дәрі келесі жылдың басында қолжетімді болуы мүмкін дейді. Қазір дәрі пациенттерге клиникалық сынақтардың екінші кезеңінен өтіп жатыр. Бұл туралы Stan.kz ақпарат агенттігі “Еуразия” арнасына сілтеме жасап хабарлайды.
Мамандар қажетті мөлшерді анықтап, ағзаның дәріге реакциясын зерттеп жатыр.
“Қазір Денсаулық сақтау министрлігінің Ұлттық орталығы көмектесіп жатыр. Олар клиникалық сынақтардың екінші кезеңінен расталған нәтижелерді күтуде. Біз оларды растап, жүктегеннен кейін бәрі қайта тексеріледі және біз дәріні тіркеуге тапсыра бастаймыз”, – деді Саясат Нұрбек.
Дәрі тек Қазақстанда емес, Еуразиялық экономикалық одақ елдерінде де тіркеледі. Басқа шетелдік нарықтарға шыққан кезде әзірлеушілер қосымша процедуралар мен жергілікті реттеуші органдармен тексерулерден өтуі керек.
Еске салайық, ұлттық ғылыми онкология орталығында әлемдегі жалғыз технология – жасанды интеллект пайдаланылатын сәулелік терапия қолданылады. Жаңа әдістеме емдеу шараларын пациенттің ағзасындағы жеке өзгерістерге күнделікті бейімдеуге мүмкіндік береді, сәулемен атудың дәлдігін едәуір жақсартып, жанама әсер қаупін азайтады
Шымкенттегі алып қашу оқиғасы: Жігіттің туыстары оқиғаның мән-жайын айтып берді, ал қыз оны жоққа шығарып отыр
