Қазақстанда 2026 жылы ең қымбат айыппұлдар аталды

Фото: magnific.com

Қазақстанда 2026 жылы жүргізушілер үшін ең қымбат айыппұлдар қатарында. Көлікті жүргізу құқығынсыз басқару, полицияның тоқтау туралы талабын елемеу және жылдамдықты өрескел түрде қайта асыру бар. Кейбір құқықбұзушылықтар үшін айыппұл көлемі 200 мың теңгеден асады. Бұл туралы Stan.kz ақпарат агенттігі хабарлайды.

Қазақстанда жылдамдықты арттыру деңгейіне қарай айыппұл мөлшері белгіленген. Егер жүргізуші жылдамдықты сағатына 10-20 шақырымнан асырса, 5 айлық есептік көрсеткіш (21 625 теңге) айыппұл салынады. Ал сағатына 20-40 шақырым аралығында асырған жағдайда 10 айлық есептік көрсеткіш (43 250 теңге) төлеуге міндеттеледі.

Жылдамдық сағатына 40 шақырымнан жоғары артса, айыппұл көлемі 20 айлық есептік көрсеткішке (86 500 теңге) дейін өседі. Егер мұндай құқықбұзушылық бір жыл ішінде қайталанса, жаза күшейтіліп, 30 айлық есептік көрсеткіш (129 750 теңге) мөлшерінде айыппұл қарастырылады.

Қызыл жарықтан өту де қатаң жазаланады. Әкімшілік құқық бұзушылық туралы кодексі 599-бабына сәйкес, жүргізуші бағдаршамның тыйым салатын сигналына немесе реттеушінің тыйым салған белгісіне қарамастан қозғалған жағдайда 10 айлық есептік көрсеткіш (43 250 теңге) айыппұл төлейді. Егер бұл құқықбұзушылық бір жыл ішінде қайталанса, айыппұл көлемі 15 айлық есептік көрсеткішке (64 875 теңге) дейін ұлғаяды.

Сондай-ақ жаяу жүргіншіге жол бермеу де елеулі құқықбұзушылықтардың қатарына жатады. Мұндай жағдайда жүргізушіге 10 айлық есептік көрсеткіш (43 250 теңге) көлемінде айыппұл салынады. Бұзушылық жолдағы адамдардың қауіпсіздігіне тікелей қауіп төндіретін ең қауіпті әрекеттердің бірі ретінде бағаланады.

Тұрақ ережесін бұзу

• Қарапайым бұзушылық — 5 айлық есептік көрсеткіш (21 625 теңге)
• Тротуар, көгал, балалар алаңы немесе мүгедектерге арналған орын — 10 айлық есептік көрсеткіш (43 250 теңге)

Рөлде телефон қолдану

• 5 айлық есептік көрсеткіш (21 625 теңге)
• Қайталанса — 10 айлық есептік көрсеткіш.

Қауіпсіздік белдігін тақпау

• 5 айлық есептік көрсеткіш (21 625 теңге)
  Жүргізуші өзі де, жолаушылары да белдік тағуын қамтамасыз етуге тиіс.

Оқыңыз

Қазақстандықтарға көлікті 5 минуттан артық қыздыруға рұқсат етілуі мүмкін Оқыңыз  

Жүргізуші куәлігінсіз көлік басқару

• Құжатты ұмытып кетсе — ескерту немесе 5 айлық есептік көрсеткіш
• Куәліксіз басқару — 50 айлық есептік көрсеткіш (216 250 теңге)
  Сонымен қатар 10 тәулікке дейін әкімшілік қамау жазасы қарастырылған.

Полиция талабын орындамау

• Шамамен 173 000 теңге айыппұл салынады

Қазақстанда жүргізушілер айыппұлды 7 күн ішінде төлесе, 50% жеңілдікпен өтеу мүмкіндігі бар.

Еске салайық, бұған дейін Қазақстанда көлігіне жалған мемлекеттік нөмір таққан жүргізушілерді түрмеге қамау ұсынылды. Қолданыстағы заң бойынша мұндай әрекет үшін 15 АЕК көлемінде айыппұл салынады, ал қайталанған жағдайда айыппұл өседі немесе жүргізуші куәлігінен айыру жазасы қолданылады. Алайда бұл жаза ауыр жол апаттарының алдын алуға жеткіліксіз деп бағаланып отыр, сондықтан депутаттар жауапкершілікті қылмыстық деңгейге дейін күшейтуді ұсынып отыр.