Президент: үкімет және парламент туризмді дамыту мәселесіне баса назар аударуға тиіс
Қос палатаның бірлескен отырысында мемлекет басшысы Қазақстанның туризм саласын дамыту мәселесіне тоқталды деп хабарлайды Stan.kz ақпарат агенттігі.
"Үкімет және парламент туризмді дамыту мәселесіне баса назар аударуға тиіс. Еліміздегі туризмнің әлеуеті зор, көрікті жерлеріміз өте көп. Бірақ, сол жерлерге барып, демалуға әлі де жұрттың қолы жете бермейді. Бұл салаға тың серпін беру үшін, ең алдымен, инфрақұрылым мәселесін кешенді түрде шешіп, қызмет сапасын түбегейлі жақсарту қажет”, – деді мемлекет басшысы.
Сонымен қатар Қасым-Жомарт Тоқаев кәсіпкерлер туризмнің болашағы зор екенін көруі керек екенін айтты. Сол үшін қажетті жағдайды жасаған жөн.
“Осы салаға салынған жеке инвестицияның көлемі, іштен және сырттан келген туристердің саны неғұрлым көп болса, жұмыстың нәтижесі де соғұрлым тиімді болмақ", - деп атап өтті Президент.
"Мәйітін алып келуге 2 апта кетеді": Вьетнамға қызымен демалуға барған қазақстандық әйел көз жұмды
Турагенттіктің айтуынша, ертесі оған әйелдің қызы хабарласып, анасының көзін ашпай жатқанын айтқан
"Семіз екенімізді білеміз, айта берудің қажеті жоқ": Қазақстандықтар қоғамда толық адамдарға ашық қысым көрсетілетініне шағымданды
Алматылық: “Мә, қайда өсіп бара жатсың, дәу боп кеткенсің ғой” деу қаншалықты орынды?"