Қазақстанда теміржолшы Instagram-дағы пікір үшін оқушыларға пышақпен шабуыл жасаған
Петропавлда теміржол қызметкері Instagram желісіндегі пікірлер үшін мектеп оқушыларына пышақпен шабуыл жасап, 5 жылға сотталды. Бұл туралы Stan.kz ақпарат агенттігі хабарлайды.
HALYQSTAN Telegram арнасының мәліметінше, Оқиға өткен жылдың қараша айында басталған.
Иттерді үйретумен қосымша айналысқан 36 жастағы жергілікті тұрғын Виталий Иваненко Instagram-да өз жұмысының видеосын жариялаған. Алайда оның ит үйрету әдістері қолданушылар тарапынан сынға ұшырады. Жазба астында авторға қатысты сын пікірлер мен қорлау сөздер қалдырылған.
Тергеу нұсқасына сәйкес, алкоголь ішкеннен кейін ер адам бұл жағымсыз пікірлерді оның үйінің ауласында жиі жиналатын жасөспірімдер жазды деп ойлаған. Ол пышақ алып, оларға сабақ беруге шыққан.
Зардап шеккендер – жылу трассасының құбырларының үстінде отырған екі мектеп оқушысы. Жасөспірімдер шу шығармаған және үйлеріне тарауға дайындалып отырған. Алайда Иваненко оларға жүгіріп келіп, біреуін ұстап алып, құбырларға қысып тұншықтыра бастаған. Екінші жасөспірім шабуылдаушыны әрең ажыратып алған. Осы кезде ер адам оқушылардың бірінің бетін пышақпен жаралаған. Сарапшылардың қорытындысына сәйкес, зардап шеккен оқушының бетінде кесілген жара, сондай-ақ беті мен қолдарында көп сызат болған.
ОқыңызТергеу барысында анықталғандай, оқушылардың Иваненкомен ешқандай таныстығы болмаған және олар оның Instagram желісіндегі жазбасын талқылауға қатыспаған.
Сотта айыпталушы ешкімді әдейі жарақаттауды көздемегенін, ал оқушының беті кездейсоқ кесілгенін айтқанымен, бұл уәждер сотты сендірмеді. Сот оның әрекетін денсаулыққа зиян келтіру мақсатында арнайы қолданылған затпен жасалған бұзақылық ретінде саралады. Теміржол саласының қызметкері кәмелетке толмағандарға пышақпен шабуыл жасағаны үшін 5 жылға колонияға жіберілді. Үкім әлі заңды күшіне енген жоқ.
Қазақстандық әйел топтық зорлаудан кейін 17 жасында бала туған: Ол америкалық ата-ана асырап алған қызын іздеп жүр
