Павлодарда қайнаған су толы шұңқырға құлап кеткен зейнеткердің жағдайы белгілі болды
Жылу трассасындағы апат салдарынан қайнаған су толы шұңқырға құлап кеткен Павлодар тұрғыны жансақтау бөлімінен күйік бөліміне ауыстырылды. Осы уақытта полиция ТЖ фактісі бойынша сотқа дейінгі тергеуді бастады, деп хабарлайды Stan.kz ақпарат агенттігі "КТК" арнасына сілтеме жасап.
63 жастағы жәбірленушінің жағдайы әлі де ауыр. Оның қолы мен аяғы қатты күйген.
Оқиға бірнеше күн бұрын болды. Зейнеткер абайсызда ыстық су құбырларын жөндеу жұмыстары жүргізілген жердегі шұңқырға түсіп кеткен. Сол кезде жарылған құбырдағы судың температурасы жүз градусқа жетті. Полиция бұл оқиғаға кімнің кінәлі екенін анықтауға ниетті.
"Қала тұрғыны күйік шалып, ауруханаға жеткізілді. Тау-кен немесе құрылыс жұмыстарын жүргізу кезінде қауіпсіздік ережелерін бұзу фактісі бойынша ҚР Қылмыстық кодексінің 277-бабына сәйкес сотқа дейінгі тергеу басталды, тергеу жүргізілуде", - деді Павлодар облысы ПД баспасөз хатшысы Жанна Белялова.
Бөтен тойға кіріп, тамақтанып кеткен: Шақыртусыз қонақтар қазақстандықтардың ашуына тиді
Шақырусыз адамдардың тек тойға емес, қаралы асқа да келетінін айтқандар болды
Қазақстанда ата-аналар Мұғалімдер күніне сыйлық алуға ақша жинап жатыр: Оқу-ағарту министрлігі не дейді
Ведомство әр адамға өз ұстазына алғыс айтып, видеомен құттықтауды ұсынды