Израиль билігі FlyDubai рейсіндегі төтенше жағдайдың террорлық әрекет болғанын мәлімдеді
Израильдің қорғаныс министрі FlyDubai рейсіндегі төтенше жағдайдың теракт жасау әрекеті болғанын мәлімдеді. Бұл туралы Stan.kz ақпарат агенттігі хабарлайды.
The Times of Israel басылымының мәліметінше, министр Исраэль Кац шабуыл жасаған адам ұшақты барлық жолаушыларымен бірге апатқа ұшыратқысы келгенін айтқан.
Ұшақ жолаушылар арасында болған басқа ұшқыштардың көмегімен қондырылған. Оқиғаның себебі әзірге белгісіз, тергеу жалғасып жатыр.
Шабуыл жасады деген күдікке ілінген екінші ұшқыш Сауд Арабиясының билігі тарапынан ұсталған. Екі ұшқыш та жарақат алып, ауруханаға жеткізілді.
Израиль премьер-министрі Биньямин Нетаньяхудың мәлімдеуінше, Сауд Арабиясының билігі шабуыл жасаған адамнан жауап алып жатыр. Израиль Қорғаныс министрі Исраэль Кац бұл оқиғаны "жиһадшылардың террорлық әрекеті" деп атады.
Boeing 737 Max 8 ұшағы Дубайдан Тель-Авивке 174 жолаушымен ұшқан, жолаушылардың басым бөлігі Израиль азаматтары болған.
Нетаньяхудың айтуынша, Израильге жақындаған кезде ұшқыштардың бірі екіншісіне пышақпен шабуыл жасап, ұшақты апатқа ұшыратуға әрекеттенген. Ұшақ төмендей бастаған. Алайда жолаушылар экипаж мүшелерімен бірге кабинаға кіріп, шабуыл жасаған адамды залалсыздандырып, ұшақты тұрақтандырған.
Israel Hayom мәліметінше, ұшақты қондыруға жолаушы ретінде ұшып бара жатқан, сол сәтте қызметте болмаған Ресей және Украина азаматтары екі ұшқыш көмектесуге өз еркімен келіскен.
Еске салсақ, бұған дейін Дубайдан Тель-Авивке ұшқан Flydubai ұшағы әуеде басып алу белгісін бергені туралы жазған едік. Ұшақ қонар кезде экипаж алдымен жалпы төтенше жағдайды білдіретін 7700 кодын, кейін заңсыз араласу немесе ұшақты басып алу қаупін білдіретін 7500 кодын жіберген.
"Оңай" картасының ресейлік "Золотая корона" жүйесімен қандай байланысы бар: Алматы әкімдігі түсініктеме берді
