Flydubai ұшағы басып алу туралы белгі беріп, радардан жоғалды

Дубайдан Тель-Авивке ұшқан Flydubai ұшағы басып алу белгісін беріп, оны күтіп алуға жойғыш ұшақ шықты. Бұл туралы Stan.kz ақпараттық агенттігі хабарлайды.

БАҚ-тың хабарлауынша, ұшақ Иордания үстінен бұрылып, Сауд Арабиясына қарай ұшқан. Бортта 180-ге жуық адам бар. Сондай-ақ, ұшақпен байланыс үзіліп, оның өзі ұшуды бақылау сервистерінде көрінбей қалғаны хабарланды. Израиль билігі оқиғаға байланысты шұғыл кеңестер өткізді. 

Уақыт өте келе ұшақ жерге қонғаны анықталды. Мәліметке сәйкес, дабыл сигналының берілуіне ұшақ бортындағы төбелес себеп болуы мүмкін. Ұшақ қонар кезде экипаж алдымен жалпы төтенше жағдайды білдіретін 7700 кодын, кейін заңсыз араласу немесе ұшақты басып алу қаупін білдіретін 7500 кодын жіберген.

Осыдан кейін лайнер қолмен басқару режиміне ауысып, бағытын өзгертіп, Сауд Арабиясына қарай бет алған. Біраз уақыттан соң ұшақпен байланыс үзілген. Оған Бен-Гурион әуежайына қонуға рұқсат берілмеген. Ұшқыштар біраз уақыт Израиль мен Иорданиядағы диспетчерлермен байланысқа шықпаған.

Израильдік БАҚ-тың хабарлауынша, ұшақты ешкім басып алмаған. Бұл ұшқыштардың бір-бірімен төбелескені. Бірақ қосымша тергеу әлі де жүргізіледі.

Ұшақ бортында 180 жолаушы болған, олардың шамамен 100-і – Израиль азаматтары.

Оқыңыз

Air Astana және FlyArystan жанармай туралы жалған мәлімет бергені үшін айыппұл төледі Оқыңыз

 Еске сала кетейік, Алматы әуежайында FlyArystan әуе компаниясының Алматы – Астана бағытындағы рейсіне отырған жолаушы ұшудан бас тартып, ұшақтан шығып кеткен. Осыдан кейін ол әкімшілік жауапкершілікке тартылған болатын.