Павлодар облысында қарлы боран кезінде екі адам қаза тапты
Павлодар облысында қарлы боран кезінде тас жолдардағы апаттан екі адам қаза тапты, деп хабарлады Stan.kz ақпарат агенттігі.
23 наурызда сағат 23.00 шамасында Омбы-Майқапшағай тас жолының Новоямышево ауылы тұсында Павлодар бағытында келе жатқан “Toyota Camry 20” көлігінің жүргізушісі көріну мүмкіндігі нашар жерде жолдан өтіп бара жатқан 25 жастағы жаяу жүргіншіні қағып кеткен. Жас жігіт алған жарақаттарынан оқиға орнында көз жұмды.
Адам өмірін қиған тағы бір оқиға сол күні сағат 18.30-да Павлодар – Ленинский тасжолында болды. Мұнда LADA Priora автокөлігінің 38 жастағы жүргізушісі қарлы боранда рульді басқара алмай, белгіге соғылып, оқиға орнында көз жұмды.
Сараптама тағайындалды. Екі факті бойынша да тергеу амалдары жүргізілуде.
"Өзімізді дәлелдедік": Олимпиадада жүлделі орын алған таэквондошылар Қазақстанға оралды
Спортшыларымыз жай келмей, жүлделі орындармен оралды
Қазақстандық әйел жалға алушыны пәтерінен шығара алмай, сотқа берген: Алайда сот қараудан бас тартты
Пәтер иесі: "Жалдау шартын бұзылған деп тану және жалға алушыны пәтерден шығаруды міндеттеу талабым "кәмелетке толмағандардың істері жөніндегі сотқа жүгіну керек" деген негізбен бас тартылды"