Өз жасынан әлдеқайда жас көрінетін 63 жастағы әжей сұлулығының сырын айтты
Австралияның Мельбурн қаласының тұрғыны өзінің 63 жасында ер адамдарға қалайша жас және сүйкімді болып көрінетінінің сырын айтты.
Лесли Максвелл 48 жасында спортқа қызығушылық танытты. Ол кәсіби фитнес жаттықтырушысы болды және өзі үшін қатаң спорт режимін жасады. Аптасына бес сағаттық жаттығулар жасады. Әйел жаңа өмір салтын ұстануы оның әл-ауқатына, сыртқы келбеті мен ер адамдармен қатынасына жағымды әсер етті дейді.
«Мені әрқашан фитнес және денсаулық мәселелері қызықтырды. Мен жас көріну мен сезінудің әдістерін іздедім», - деп мойындады австралиялық әйел.
Әйел кәсіби спортшы болғаннан бері 30-дан астам марапаттарға ие болды. Ол өзінің келбеті одан әлдеқайда жас ер адамдардың назарын аударғанын айтты.
Үш немересі бар Максвелл өзінің сыртқы келбетінің сырымен бөлісті:
«Алдымен денеңізге күтім жасаңыз және қоректік заттарға бай тағамдарды таңдаңыз. Бұлшықет тонусын жеңілдету үшін жеңіл салмақпен жаттығу жасаңыз. Қазір мен жастық шағыма қарағанда әлдеқайда бақытты және өзіме сенімдімін. Менің ойымша, әр әйел өзінің тартымдылығын жоғалтқысы келмейді», - дейді ол.