Нұрлан Еспанов Абай Бегеймен не себепті “сүйіскенін” түсіндірді (видео)
Желіде пайда болған «Ой мен ойын» бағдарламасының анонсы жұртты шулатты. Видеодағы ойын барысында мұрындарын түйістірген Нұрлан Еспанов пен Абай Бегейді жұрт «сүйісті» деп сөкті. Еспанов өзінің тарапына айтылған сынға жауап берді, деп хабарлайды Stan.kz.
«Бұл «Ой мен ойын» бағдарламасы, қызықтаймыз деп мұрт пен мұрынды көрсетеміз десек сүйістіріп асыра сілтегендеріңізге жол болсын. Дұрыс түсініңіздер. “Самаурынды су алыпты десе, Самарқанды су алыпты» деп отқа май құймағандарыңыз дұрыс болар. Бір-бірін батыр дейтін қазақпыз, ағайын!» – деп жазды ашынған Еспанов желідегі парақшасында.
Желі қолданушыларының арасында Еспановты қолдап жақтағандар да, сөгіп даттағандар да болды.
“Ойынның шартын біле тұра неге келістіңіз? Қалай ақталсаңыз да өте ерсі және ыңғайсыз көрінеді”, “Ерсі көрінеді екен”, – дейді Еспановқа қарсы шыққан желі оқырмандары.
Ойынның шартына түсіністікпен қарап, қос әншіні сөкпеуге шақырған желі қолданушылары:
“Ойын ғой, бір-бірімен сүйісетіндей не көрінді?”, “Бағдарламаны көрдік, өте қызықты болды. Кім не десе де көзімен көрген халқыңыз тұрғанда шаршамаңыз”, “Онда тұрған ештеңе жоқ. Ағалар бар ықыластарымен ойын көрсетті”, – деп пікір білдірді.
Жіберіп алмаңыз:
Қайрат Нұртас: Мені автобустан немесе базардан көрсеңіздер таңғалмаңыздар
“МузАрт live” жігіттерінің әнін беріле тыңдаған Мейрамбектің ұлы көпшілікті сүйсінтті (видео)
Луина продюсерімен келісім-шартын тоқтатып тұрмысқа шығатынын мәлімдеді
Кентал тікелей эфирде өз әнін нашар орындағаны үшін халықтан кешірім сұрады (видео)