"-Нікі, -дікі, -тікі": Буын үндестігіне бағынбайтын қосымшалардың дұрыс жалғануы

Біздің тіліміз – буын үндестігіне негізделген әуезді тіл. Бірақ кейбір қосымшалар буын үндестігіне бағынбайды. 

Сондай қосымшалардың бірі – меншік мағынасын білдіретін «-нікі, -дікі, -тікі» қосымшалары. Бұл қосымшалардың жуан түрі жоқ. Дегенмен тілімізде жуан нұсқасын қолданып жүргендер баршылық. 

Мысалы, «Ол Атыраудыкі» емес, «Ол Атыраудікі» дегеніміз дұрыс болады. 

• Бауыржандыкі емес, Бауыржандікі
• Асандыкі емес, Асандікі
• Атамдыкі емес, атамдікі
• Балалардыкі емес, балалардікі. 

Буын үндестігі - сөз ішіндегі, сөз бен қосымша арасындағы дауыстылардың бірыңғай жуан немесе жіңішке болып айтылуы. Басқаша атауы сингармонизм заңы деп те аталады.