Астанада жалған кәсіпкер төрт адамға автонесие алдырып, 270 млн теңге қарызға батырған
Фото: freepik.com
Елордада өзін ауқатты кәсіпкер ретінде таныстырып, төрт жәбірленушіге автонесие алдырған ер адам сотталды. Бұл туралы Stan.kz ақпарат агенттігі хабарлайды.
Бас прокуратураның мәліметінше, ер адам төрт жәбірленушіні іскерлік ынтымақтастықты сылтауратып, автонесие алуға көндірген.
"Ол несиені өзі төлеп, көліктерді бизнесте пайдалануға уәде берген. Алайда көп ұзамай көліктерді Ресей Федерациясына апарып, сатып, түскен ақшаны өз қажеттіліктеріне жұмсаған. Жәбірленушілер миллиондаған доллар қарызымен қалды. Келтірілген шығын көлемі 270 млн теңгеден асты", – делінген қадағалаушы орган таратқан хабарламада.
Сот ер адамды кінәлі деп тауып, 6 жыл 8 айға бас бостандығынан айырды. Үкім заңды күшіне енген жоқ.
"Қазақстандық өнімді сөреге қойғызбайды": Ақтаудан Алматыға бизнесін дамытуға келген кәсіпкер өндірісін жабуды ойлап жүр
Сөзінше, отандық өнімді қолдамай, оның тауарларына арналған сөре берілмейді.
1 миллион 200 мың теңге: Қазақстанның қай өңірінде мұғалімдер көп жалақы алады
Алматы облысында бір мұғалімнің айлық жалақысы 1 миллион 228 мың теңгеге жеткен