Қарлы боранда жүргізушілерге жол көрсеткен: Қарағандылық құтқарушы мемлекеттік награда алды
Қарағанды облысында қарлы боран кезінде Көліктерге жол көрсеткен ТЖМ құтқарушысы мемлекеттік наградамен марапатталды. Бұл туралы Stan.kz ақпарат агенттігі хабарлайды.
Коллаж: Stan.kz
Мемлекет басшысының Жарлығымен қызметтік міндеттерін үлгілі орындағаны, қызметтік борышын атқару кезінде көрсеткен батылдығы мен ерлігі және адамдардың өмірін құтқарғаны үшін Қарағанды облысы ТЖД Осакаров ауданы Төтенше жағдайлар бөлімінің №17 өрт сөндіру автокөлігінің жүргізуші-қызметкері Сымбат Ещанов "Ерлігі үшін" медалімен наградталды.
2025 жылдың 3 қаңтарында Алматы-Екатеринбург республикалық тас жолында Нұра-Қарағанды бағытымен келе жатқан автобус қар құрсауында қалып қойған. Құрамында Сымбат Ещанов бар төтенше жағдайлар министрлігінің тобы дереу шақыру орнына аттанған.
"Құтқарушылар оқиға орнына жеткеннен кейін жағдайды бағалап, 30-дан астам жолаушыны, оның ішінде 5 баланы эвакуациялауға кірісті. Алайда, ауа райының нашарлауына және жолдың көрінбеуіне байланысты Сымбат Ещанов құтқарушыларға жол көрсетіп, көліктің алдында жүріп қауіпсіз алып жүруді қамтамасыз етті”, – делінген хабарламада.
Еске салсақ, Қарағанды облысында 35 жастағы құтқарушы қарлы боран кезінде көлігінен түсіп, жүргізушілерге жол көрсеткен еді.
Алматыдан Балиге дейін велосипедпен жеткен қазақстандық жұп 10 айлық сапары туралы айтып берді
