Ақтөбеде топтық төбелесте досын абайсызда пышақтап өлтірген жігітке үкім шықты
Ақтөбеде топтық төбелес кезінде пышақ жарақатынан көз жұмған жігітке қатысты сот отырысы өтті. Абайсызда кісі өлтіру бабымен марқұмның досы сотталды. Бұл туралы Stan.kz ақпарат агенттігі хабарлайды.
Ақтөбе қаласының №2 сотының мәліметінше, жаппай төбелес 2024 жылдың қаңтар айында болған. Сол күні сотталушы өзінің таныстарымен басқа елді мекеннен келген жастармен кездесуге барған.
"Кездесу топтық төбелеске ұласып, сотталушы пышақ жарақатын алған. Ол құлап, кейін жерде жатқан пышақты алып, өзін қорғай бастаған. Сол кезде соққысы кездейсоқ досына тиіп, ол қылмыс орнында қаза тапты", – делінген хабарламада.
Жігіт абайсызда өлтіру бойынша айыпталды. Сотта ол өзінің кінәсін толық мойындады.
Сот үкімімен сотталушыға бір жыл алты ай бас бостандығынан айыру жазасы тағайындалды. Жәбірленушілердің пайдасына 6 миллион теңге моральдық зиян және 800 мың теңге өкілдік шығындар өндірілді.
Сот үкімі заңды күшіне енген жоқ.
"Өлтіруге болады дегенге балалардың еті үйреніп кетпеуі керек": Зообелсенділер бұралқы иттерді өлтіру туралы заңға қарсы шықты
14 сәуірде Алматыда бұралқы иттерді эвтаназиялауды міндеттейтін заңға қарсы баспасөз конференциясы өтті
"50 миллиардқа жуық қаржы бөгде шотқа түседі": Блогер Республика сарайын жалға берушілерді ел қазынасына қол сұқты деп айыптады
Блогер: "Қағаз жүзінде жасалған келісімшарттан кейін қаражат қазынаға емес, осы ұйымның басқа шоттарына түседі"