Оның айтуынша, Ақмола облысындағы екі ірі су қоймасының орташа толтырылуы 99%-ға тең. Екі нысан да транзиттік режимде жұмыс істейді. Ақтөбе облысында да екі ірі су қоймасының орташа толтырылуы 99% болып отыр. Нысандар транзиттік режимде жұмыс істейді, су ағынының азаюы байқалады, су тасқынының шарықтау шегі де өтіп үлгерді.

Шығыс Қазақстан облысында бес ірі су қоймасының орташа толтырылуы 62%-ға тең. Олардың барлығы штаттық режимде жұмыс істеп жатыр. Осы аптада су тасқынының шарықтау шегі болжанып отыр.

"Батыс Қазақстан облысында төрт ірі су қоймасы орта есеппен 65%-ға толтырылған. Олар да қалыпты жағдайда жұмыс істеп тұр. Алайда облыста Шаған өзенінің деңгейі әлі де көтеріліп жатыр. Шаған су қоймасына құйылатын су деңгейінің жоғарылауы секундына 690 текше метрге жетті. Жайық өзенінің бойында "Тасқынның екінші толқыны күтіліп отыр. Ресейден келген жедел деректерге сәйкес, Ириклинск ГЭС-нен су жіберу кешегі деңгейде –секундына 1680 текше метр. Бұл су Қазақстан шекарасына 15-20 күнде жетуі мүмкін", – деді Әбдуалиева.

Атырау облысында су тасқыны кезінде екі адам опат болды

Атырауда 92 жастағы әженің су тасқынына қарсы шараларға қатысқаны желі қолданушыларын тәнті етті

Қалған су қоймаларындағы жағдайға келсек: Қарағанды облысындағы төрт ірі су қоймасы толығымен толды. Ал Қостанай облысында екі ірі су қоймасының орташа толтырылуы 96% болып, су тасқынын бастан өткеріп жатыр. Солтүстік Қазақстан облысындағы екі ірі су қоймасы 100% толып, су тасқыны жалғасып жатыр.

Ал Қаратомар су қоймасына қатысты шиеленіскен жағдай сақталып отыр. Су қоймасына құйылатын су секундына 2425 текше метрді, су ағызу секундына 2640 текше метрді құрады.

Дегенмен сағат сайын ағынның төмендеуі байқалады. Қазір министрлік пен облыс әкімдігінің мамандары орнында жұмыс істеп, су ағынын реттеп жатыр.

Айта кетейік, бұған дейін вице-премьер Қанат Бозымбаев Қазақстанда су тасқынының шарықтау шегі қашан болатынын айтқан еді. Оның сөзінше, су тасқыны осы аптада шарықтау шегіне жетеді.

Талқылау