Абай облысында мал іздеймін деп жоғалған 8 жасар баланың анасының алғыс айтқан видеосы тарады
11 ақпанда Аягөзде 8 жасар Мерейді іздеуге ондаған құтқарушы, полиция, әскерилер мен еріктілер жұмылды. Құтқару жұмыстарынан кейін төтенше жағдайлар министрлігі әйелдің алғыс білдірген видеосын жариялады. Бұл туралы Stan.kz ақпарат агенттігі хабарлайды.
Баланың анасы іздеуге атсалысқан баршаға алғысын жаудырды. Жиналғандар қуаныштан көзіне жас алған әйелді “бәрі жақсы” деп тыныштандырып жатыр.
11 ақпан күні сағат 10:00 шамасында 8 жасар бала атпен мал іздеуге шыққан. Бала кешке үйде болмаған соң, ата-ана өз бетінше іздестіру жүргізген, бірақ оң нәтиже бермей, полицияға хабарласқан.
Баланы іздеуге әскерилер де қосылғаны белгілі болды.
Қарлы боранның кесірінен мал іздеуге кеткен бала жоғалып кеткен. Түнгі 00:00 шамасында Абай аудандық полиция бөлімі баланың табылғанын хабарлады. Қарлы боран басылған соң ол іздеушілерді байқап, жарыққа қарай жүрген. Төтенше жағдайлар министрлігі оның жағдайы жақсы екенін, медицина көмегіне мұқтаж емес екенін айтты.
Талқылау
“50 жыл басқа елде тұрған ата-анам артымнан еріп, көшіп келді”: Қазаққа келін болып түскен корейлік ару жаңа отбасы туралы айтып берді
Екатерина Жанғарина: "Екі үлкен шәугім сүті бар шай беріп, "құя бер" деді"
Желіде тілі шықпаған баланы қой ішегімен қылқындырғандардың видеосы тарады: Логопед-дефектолог ырымның үлкен қаупін айтты
Балаға психологиялық әрі физикалық қауіп төнеді