Тоқаев: Бұны көзбояушылық деп ойламаңыздар
Президент Қасым-Жомарт Тоқаев өзіне үкіметті отставкаға жіберу туралы ұсыныс түскенін айтты, деп хабарлайды Stan.kz ақпарат агенттігі.
Мемлекет басшысының сөзін президенттің баспасөз хатшысы Берік Уәли желідегі парақшасында жариялады.
"Мен сіздерге ашық айтайын. Осы жиналысқа дайындық кезінде маған кейбір облыстардың, департаменттердің бірінші басшыларын, тіпті бүкіл үкіметті тарату туралы кеңес берді. Бұны қоғам жақсы қабылдайды, ұпай жинайсыз деді. Бірақ маған жақсы көріну қажет емес. Мен жауапты адамдарды тыңдауға дайынмын, бірақ мен көпшілікпен ойнай алмаймын. Ондай жаста да, жағдайда да емеспін", - деді Тоқаев.
Қасым-Жомарт Тоқаев кейбір әкімдер сөгіс пен ескерту алғанын және басқа облыстардың және министрліктердің басшылары бұл жазаға лайық екенін атап өтті.
"Бірақ біз әлеуметтік-экономикалық дамудың сын кезеңінде тұрмыз. Дағдарыс жағдайынан шығу үшін үкімет пен әкімдердің білікті, жанқиярлық әрекеттері қажет. Бұл жағдайды одан сайын күшейтеді. Кейбір әкімдер сөгіс пен ескертулер алды. Негізінде, облыс басшылары мен бірқатар министрлер осындай жазаға лайық", - дейді мемлекет басшысы.