Мұғалімдерге төленетін үстемақы туралы министр Аймағамбетов айтып берді
Білім және ғылым министрі Асхат Аймағамбетов үкімет отырысында 2021 жылдың 1 қаңтарынан бастап мұғалімдердің жалақысын қаншалықты көтеру жоспарланып отырғанын айтты, деп хабарлайды Stan.kz ақпарат агенттігі.
"Министрлік 2021 жылдың 1 қаңтарынан бастап мұғалімдердің жалақысын 25% -ға өсіруді жоспарлап отыр. Бұл есептеулерді 2023 жылға дейін қаржыландыру аясында қаржы министрлігіне ұсындық", - деді Асхат Аймағамбетов.
Сонымен қатар, министрдің айтуынша, мемлекет басшысының тапсырмасы аясында 1 қыркүйектен бастап дәптерлерді тексергені үшін және сынып жетекшілері үшін мұғалімдерге берілетін қосымша төлемдер екі есеге артты.
"Магистратура үшін мұғалімдер 27 мың теңге көлемінде жаңа қосымша ақы алады. 1 қыркүйектен бастап дәптер тексергені үшін төленетін төлем екі есеге, сынып жетекшілігі үшін төленетін төлем екі есеге артады", - деп қосты Асхат Аймағамбетов.
"Мәйітін алып келуге 2 апта кетеді": Вьетнамға қызымен демалуға барған қазақстандық әйел көз жұмды
Турагенттіктің айтуынша, ертесі оған әйелдің қызы хабарласып, анасының көзін ашпай жатқанын айтқан
"Семіз екенімізді білеміз, айта берудің қажеті жоқ": Қазақстандықтар қоғамда толық адамдарға ашық қысым көрсетілетініне шағымданды
Алматылық: “Мә, қайда өсіп бара жатсың, дәу боп кеткенсің ғой” деу қаншалықты орынды?"