Мұғалімдері желі үшін тауға шығуға мәжбүр: Министрлік Аққұм ауылына интернет орнатуға уәде етті
Желінің жоқтығынан электронды журналды толтыру үшін тауға шығуға мәжбүр болған Аққұм ауылы мұғалімдерінің жағдайы осыған дейін қызу талқыға түсті. Цифрлық даму министрлігі Түркістан облысы Аққұм ауылының тұрғындарына 20 Мбит/с интернет жылдамдығы мен шектеусіз трафикті қамтамасыз етуге уәде берді. Бұл туралы Stan.kz ақпарат агенттігі Otyrar.kz порталына сілтеме жасап хабарлайды.
Министрлік бүкіл желіде тараған атышулы суреттен кейін жұмысқа кірісті.
"Бұл ретте министрлік коммуникация саласында "Қолжетімді интернет" ұлттық жобасын әзірледі. Осы жоба аясында 3 мыңнан астам ауылды талшықты-оптикалық байланыс желісі арқылы жоғары жылдамдықты интернетпен қамтамасыз ету жоспарлануда. Олардың қатарында Аққұм ауылы да бар", - делінген хабарламада.
Еске салсақ, Түркістан облысы Қазығұрт ауданы Аққұм ауылының мұғалімдері электронды журналды толтыру үшін тауға шығуға мәжбүр болғандарын хабарлаған болатынбыз. Тіпті мектеп оқушылары информатика сабағын теориялық түрде ғана оқып жүрген екен.
Жаңа салық кодексі әлеуметтік кәсіпкерлерді жеңілдіктерден айырды – Тапсырыс жоқ, қарыз көбейді
Эмин Аскеров: "Қызметкерлердің тағы 10%-ын толық емес жұмыс күніне ауыстырдық"
Шетелдіктерге қазақ тілі тесті қаншалықты қиын: ВНЖ-ны кімдер ала алады?
Тест онлайн форматта ҚАЗТЕСТ жүйесі арқылы өткізіледі