Мажарстан премьер-министрі Виктор Орбан Димаш Құдайбергенмен жолықты
Мажарстан премьер-министрі Виктор Орбан Димаш Құдайберген туралы пост жариялады. Бұл туралы Stan.kz ақпарат агенттігі хабарлайды.
Фото: https://www.instagram.com/orbanviktor/
Премьер-министрдің парақшасынан достық пен мәдени байланыстардың символы іспеттес жылы жүздесудің фотосын көруге болады.
"Қазақстандық әлем жұлдызы Будапештте", – деп жазды өзінің әлеуметтік желідегі парақшасында Виктор Орбан.
Еске салайық, Қасым-Жомарт Тоқаев мемлекеттік сапармен Мажарстанға барып, премьер-министр Виктор Орбанмен кездесті.
“Премьер-министр былтыр Астанаға жасаған ресми сапарында көптеген уағдаластыққа қол жеткізген едік. Бүгін соны қайта пысықтап, жаңа бағыттар туралы әңгімелестік. Биыл екі елдің стратегиялық әріптестік орнатқанына – 10 жыл. Тиімді саяси диалог жүргізу және ортақ экономикалық жобаларды іске асыру – өте маңызды міндет. Сондай-ақ көпжақты ықпалдастықты нығайта түсу қажет. Осы орайда бүгін Бірлескен мәлімдеме қабылдадық. Қазақстан мен Мажарстан арасындағы санқырлы байланысты күшейту қос халықтың мүддесіне сай келеді”, – деген еді президент.