Қысқы дөңгелек қандай болуы тиіс және айыппұл төлемеу үшін не істеу керек?

Бірінші желтоқсаннан бастап қысқы дөңгелегі салынбаған көлікпен жүруге тыйым салынады, деп хабарлайды Қазақстан ІІМ әкімшілік полиция комитетінің баспасөз қызметіне сілтеп Stan.kz.

Қысқы уақытта, бірінші желтоқсаннан бастап ақпанның соңына дейін, «М+S», «M&S», «M S» белгілері бар, тау және қар белгісі бейнеленген қысқы дөңгелектер салынбаған көлікпен жүруге тыйым салынады.

Дөңгелегін уақытылы айырбастамаған жүргізушілерге заң жүзінде 5 АЕК, яғни 11 345 теңге айыппұл салынады.

Айыппұлдан бөлек, көлік иесі мемлекеттік нөмірінен де айырылып қалуы мүмкін.

«Шипы» деген белгі қажет пе?

«Шипы» белгісін қою әркімнің өз еркінде. Қазанда Қазақстанның жол жүру ережелеріне тиісті өзгертулер енгізілген.

Қысқы дөңгелекті қашан жазғы дөңгелекке айырбастау керек?

Айта кетейік, бірінші маусымнан бастап барлық көліктер дөңгелектерін жазғы дөңгелекке айырбастауы тиіс. Маусымаралық кезеңде автокөлік иесіне қолайлы, ауа райы жағдайына сай келетін дөңгелекке рұқсат беріледі.

Оқи отырыңыз:

Болашаққа хат: Ақтауда 50 жыл бұрын жазылған хат табылды

Алматы облысында қолмен балық аулағандар жазаланатын болды

Ақтөбе облысында күйеуін «есек» деп балағаттаған келіншекке айыппұл салынды

Алматыда тәулік бойы ашық болатын тегін мұз айдындары ашылды