Қазақстанда мектеп дәлізінде балта ұстап жүгірген оқушы екі сыныптасын жаралады (видео)
Фото: Видеодан скрин
Әлеуметтік желіде Құлсарыдағы Пушкин атындағы №6 мектепте оқушының балта алып жүгірген видеосы тарады. Бұл туралы Stan.kz ақпарат агенттігі хабарлайды.
Видеодан бір оқушының балта ұстап мектеп дәлізінде басқа оқушының соңынан қуып жүгіргенін көруге болады. Қорыққан оқушы бір сыныптың ішіне кіріп, жасырынған.
Әлеуметтік желідегі жазбада балта ала жүгірген оқушының 10-сынып оқушысы екені айтылған.
Атырау облысының полиция департаменті болған жайтты растап, 15 жастағы оқушы екі сыныптасын жаралағанын мәлімдеді.
“5 ақпанда 10-сынып оқушысы сыныптастарымен жанжалдасып, оларға шабуыл жасаған. Екі оқушы жеңіл жарақат алған. 15 жастағы күдікті ұсталып, уақытша тергеу изоляторына қамалды және ішкі істер органдарының есебінде тұр”, – деп мәлімдеді полиция.
Ведомствоның хабарлауынша, қылмыстық іс қозғалып, жасөспірімнің ата-анасы әкімшілік жауапкершілікке тартылды.
“Материалдар процестік шешім қабылдау үшін білім бөліміне және кәмелетке толмағандар істері комиссиясына жіберілді”, – делінген полиция хабарламасында.
Шымкентте әйелін аяусыз соққыға жыққан ер адам тек 25 күнге қамалды
Шымкентте әйелін соққыға жыққан ер адам 25 күнге сотталды
"Ауруханаға өз аяғымен кіріп, табытпен шықты": Қызылордалық ер адам анасының өліміне дәрігерлерді айыптады
Іс бойынша реаниматолог, нейрохирург, кардиолог және учаскелік дәрігердің әрекеттеріне қатысты күдік бар