Конституцияға енгізілген өзгерістер күшіне енді

Орталық референдум комиссиясы мемлекеттік БАҚ-та референдумның қорытындылары туралы ресми хабарлама жариялады, деп хабарлайды Stan.kz ақпарат агенттігі. 

Осылайша Қазақстан Конституциясына өзгерістер мен толықтырулар күшіне енді. Негізгі өзгерістер:

• Қазақстан суперпрезиденттік басқару формасынан күшті парламенті бар президенттік формаға көшеді.
• Жер және оның қойнауы, су көздері, өсімдіктер мен жануарлар дүниесі, басқа да табиғи ресурстар халыққа тиесілі.
• Президенттің жақын туыстарының саяси мемлекеттік қызметші, квазимемлекеттік сектор субъектісі басшылары лауазымдарын атқаруға құқығы жоқ.
• Қазақстандықтар өз бетінше Конституциялық сотқа жүгіне алады.
• Өлім жазасына тыйым салынады. Ешкімнің адам өмірін қиюға құқығы жоқ.
• Мәжілістің депутаттық корпусы аралас сайлау жүйесі бойынша құрылады.
• Сенаттағы президенттік квота қысқарады, мәжілістегі ҚХА квотасы жойылады.
• Мажоритарлық жүйе депутатты сайлаушылардың қалауы бойынша шақыртып алуға мүмкіндік береді.
• Тұңғыш президенттің ерекше рөлі мен артықшылықтары туралы ережелер алып тасталады.