Соңғы жаңалықтар
Соңғы жаңалықтар

Қыркүйекке қарай 10 млн қазақстандық вакцина алады

Биылғы жылдың қыркүйек айына дейін вакцина алу санатына жататын 10 млн қазақстандыққа екпе егуді аяқтау жоспарланып отыр, деп хабарлайды Stan.kz ақпарат агенттігі. 

"Қазіргі біздің басты міндетіміз елдегі эпидемиологиялық жағдайды тұрақты ету және вакцина алушылардың санын арттыру. Сәуір, мамыр және маусым айларында өңірлерде ай сайын 2 млн адам екпемен қамтамасыз етіледі. Ал қыркүйекте вакцина алу санатына жататын 10 млн адамға екпе егуді аяқтауды жоспарлап отырмыз. Сол арқылы ұжымдық иммунитет әсерінің оңалуын күтеміз", - деді ҚР Премьер-Министрі Асқар Мамин Үкімет отырысында. 

Үкімет басшысының айтуынша, ауруханаларда дәрі-дәрмектердің айлық қоры бар. Атап айтқанда, СК "Фармация" қоймаларында және дәріханаларда 2 айлық қор жасалынды. Сол секілді барлық өңірлерде 3 айлық дәрі-дәрмектердің, жеке қорғаныс құралдар мен шприцтері бар тұрақтандыру қорлары құрылды.

"Денсаулық сақтау министрлігі мен әкімдіктерге вакцина алушылардың санын арттыру мен екпемен қамтамасыз ету шараларын қабылдауды тапсырамын. Сол сияқты Ақпарат және қоғамдық даму министрлігі өңір әкімдіктерімен бірлесіп халыққа вакцинаның маңыздылығы туралы түсіндіру жұмыстарын ұйымдастыруды жүктеймін. Сондай-ақ, сәуір айының аяғына дейін ел аумағында Ashyk жүйесін енгізуді тапсырамын", - дейді ол. 

Бұған дейін еліміздің Денсаулық сақтау министрі Алексей Цой Қазақстанға 6 млн доза вакцина жеткізілетіні туралы айтқан болатын. 

Талқылау
Пікір
Қазір оқып жатыр
Çàãðóçêà...
Қазір оқып жатыр