Синоптиктер еліміз бойынша алдағы күндерге арналған ауа райы болжамын жариялады
Қазгидромет еліміз бойынша 29-31 қазанға арналған ауа райы болжамын жасады. Қазақстанның басым бөлігінде жауын-шашын болмақ. Бұл туралы Stan.kz ақпарат агенттігі хабарлайды.
Синоптиктер алдағы үш күнде Қазақстанның басым бөлігінде атлантикалық циклонның ықпалымен тұрақсыз ауа райы сақталатынын айтты.
Жауын-шашын (қар аралас жаңбыр), көктайғақ және тұман болжанып отыр. 30 қазанда республиканың батысында қатты жаңбыр жауады. Сонымен қатар жел күшейеді.
Температуралық режимде айтарлықтай өзгерістер болжанбайды.
