Қостанай облысында ер адам енесі мен әйелін өлтіріп, балаларына қол жұмсамақ болды деген күдікпен қамауға алынды
Фото: t.me/halyqstan
Қостанай облысы Қарабалық ауданында 45 жастағы ер адам әйелі мен енесін өлтірді деген күдікпен қамауға алынды. Оның 10 жастағы ұлы да жараланған. Балалар оқиға орнынан қашып үлгерген. Бұл туралы Stan.kz ақпарат агенттігі хабарлайды.
Полицейлердің хабарлауынша, 15 шілдеде Қарабалық ауылындағы үйлердің бірінен зорлық-зомбылық белгілері бар екі адамның мәйіті табылған. Алдын ала болжам бойынша, қылмысқа отбасылық жанжал себеп болған.
Бұл факт бойынша полиция қылмыстық іс қозғады. Жедел-іздестіру іс-шаралары барысында күдікті ретінде 45 жастағы Қарабалық ауылының тұрғыны ұсталған.
Қазіргі тергеу амалдары жүргізілуде. Сараптама тағайындалып, оқиғаның себептері мен барлық мән-жайы анықталып жатыр.
Жергілікті тұрғындардың айтуынша, күдікті оқиға болған жерге жақын маңда орналасқан қорадан жаралы күйде табылған, шамасы өз-өзіне қол жұмсамақ болған. Оның отбасынан бөлек тұрғаны айтылады.
"Scopus-қа мақала шығару үшін 1,5 миллион теңге сұрайды": Қазақстандық ғалымдар докторантурадағы талаптарға наразы
Ресми деректерге сүйенсек, қазір Қазақстан бойынша докторантурада 7 600-ден 9 500-ге дейін докторант білім алуда
"Денесінде бұған басшылық кінәлі деген жазуы бар": Түрмеден шығуына 20 күн қалған қазақстандық ер адам қаза тапты
Оны бостандыққа шығуына санаулы күндер қалған болатын