Қазақстандық дзюдошы қыз күрес кезінде қарсыласын неліктен тістеп алғанын айтты
Қазақстандық дзюдошы Айгерім Әбілқадірова Париждегі "Үлкен Дулыға" сайысында қарсыласын неліктен тістеп алғанын түсіндірді деп хабарлайды Stan.kz ақпарат агенттігі.
Кездесу кезінде отандасымыз бельгиялық Шарлин ван Сникке есе жіберді. Желіде тараған видеодан қазақстандық спортшының қарсыласының аяғынан тістегенін көруге болады.
Кейін Әбілқадырова видео жариялап, бұл әрекетін түсіндірді.
"Барлық сыншыларға жауап бергім келеді. Кеше мен Париждегі Grand Slam сайысында бельгиялық спортшымен күрестім. Ол менің шынтағыма ауырту тәсілін жасады. Жеңілгенімді білдіріп, белгі бердім, бірақ бельгиялық спортшы бұған қарамай қолымды қайыра берді. Шынтағымдағы сықырды естіген соң оны ауырғаннан тістеп алдым. Бұған қоса төреші мән бермей, жекпе-жекті тоқтатпады. Маған түрлі жағымсыз пікір жазатындарға айтарым, батыр болсаң маған нөміріңді жазып жібер. Барлығын бетіме айт, бірақ айта алмайсың", – деді ол.
"Бізден 100 есе жоғары алады": Қазақстан мен шетелдік дәрігерлердің жалақысын салыстырып көрдік
Алматының ауруханасында жұмыс істейтін дәрігерлер 160-250 мың теңге алады
Қазақстанда биыл БАҚ өкілдерін марапаттауға 35,2 миллион теңге бөлінген
Ал 2021 жылы журналистерді ынталандыруға тек 14,5 миллион теңге бөлінген