Қазақстандық дзюдошы Екатерина Токарева әлем чемпионатында жеңіліске ұшырады
Екатерина Токарева Әбу-Дабиде өтіп жатқан дзюдодан әлем чемпионатының екінші айналымында ұтылып қалды. Бұл туралы Stan.kz ақпарат агенттігі хабарлайды.
Әлем чемпионатының төртінші жарыс күнінде Қазақстан атынан сынға түскен жалғыз Екатерина Токарева да сәтсіз өнер көрсетіп, жарысты ерте аяқтады. 70 келіде белдескен балуанымыз алғашқы кездесуінде өзбекстандық Гульноза Матниязовадан айласын асырғанымен екінші белдесуінде испан балуаны Цунода Рустантқа “иппонмен” ұтылып, жарысты жарты жолдан тоқтатты. Сондай-ақ 78 келіде белдескен Аруна Жангелдина бірінші белдесуінде Ұлыбритания өкілі Эмма Рейдке есе жіберді. Осылайша, Қазақстан құрамасы төртінші күн қатарынан сәтсіз өнер көрсетіп, жүлдегерлер қатарынан көріне алмай жатыр.
Айта кетейік, жарыстың алғашқы күнінде Абиба Әбужақынова 48 келіде қола жүлде жеңіп алса, Елдос Сметов (60 келі) бесінші орыннан көрінген еді.
"Бізден 100 есе жоғары алады": Қазақстан мен шетелдік дәрігерлердің жалақысын салыстырып көрдік
Алматының ауруханасында жұмыс істейтін дәрігерлер 160-250 мың теңге алады
Қазақстанда биыл БАҚ өкілдерін марапаттауға 35,2 миллион теңге бөлінген
Ал 2021 жылы журналистерді ынталандыруға тек 14,5 миллион теңге бөлінген