Қазақстанда робот сот орындаушы іске қосылды
Әділет министрлігі Таразда республикалық ЖСО палатасымен бірлесіп, оңтайландырылған атқарушылық өндірісті енгізу бойынша пилот жобаны іске қосты. Бұл туралы Stan.kz ақпарат агенттігі хабарлайды.
Осыған дейін азаматтар салынған айыппұлды уақытында өтей алмаса, оның 25%-ке дейінгі сомасын жеке сот орындаушыға төлеу міндеттелетін. Енді бұл қызметті робот тегін атқарады.
Жаңа жобаның арқасында Қазақстан азаматтары 2 млрд теңгеге дейін үнемдей алады. Жүйе алгоритмі мына тәртіппен жұмыс істейді:
- Бас прокуратураның құқықтық статистика және арнайы есепке алу комитеті 50 күн ішінде төленбеген әкімшілік құқықбұзушылық үшін айыппұл өндіріп алу туралы ұйғарым жібереді.
- Робот 5 күнтізбелік күн ішінде талапты орындау қажет екені туралы SMS хабарлама жібереді.
- Айыппұлды ерікті түрде төлемесе, жүйе жеке сот орындаушысына мәжбүрлеп орындау туралы атқару парағын ұсынады.
- Уақытылы төлем жасалса, атқарушылық іс жүргізу артық шығынсыз тоқтатылады.
Жоба сәтті жүзеге асса, оны бүкіл Қазақстан аумағына енгізу жоспарланып отыр.
Қазақстанда киіз үй бағасы 200 мыңнан 1,8 миллион теңгеге дейін: Оны кімдер сатып алады?
"Өзін құрбан ету үшін "айналайын" деп дауыстаған": Қазақтың қандай салт-дәстүрі мен ұғымдары ұмыт болды
Тарихшы: "Ауру адамды киіз үйдің ортасына жатқызып, қарт кісі үш рет айналып, есікке келгенде “айналайын” деп дауыстайды"