Қазақстанда 2027 жылы ипотекалық мөлшерлемелер қайта қаралмақ
Ұлттық банк басшысы Тимур Сүлейменов Мәжіліс кулуарында Қазақстандағы ипотекалық бағдарламалар шарттарын қайта қаралуы мүмкін екенін айтты. Бұл туралы Stan.kz ақпарат агенттігі хабарлайды.
Тимур Сүлейменов қазақстандықтар екінші деңгейлі банктерде ипотеканы әлі де рәсімдеуді жалғастырып жатқанын айтты.
“Жоқ, ипотекалық қарыз беру деңгейі айтарлықтай төмендемеген. Ипотека өсіп, екі таңбалы көрсеткішпен дамып жатыр. Біз әдістемені әзірлеп жатырмыз. Бірақ келесі жылдың шілдесіне дейін беллігі бір шаралар қабылдаймыз. Себебі, қайталап айтамын, 25%-бен 10 жылға берілетін ипотека өте қауіпті, бұл үш есе көп қосымша төлем дегенді білдіреді. Біз азаматтарымыздың қаржылық қарызға батпауын қамтамасыз етуіміз керек”, – деді ол.
Сондай-ақ ол дайындап жатқан әдістеменің шет жағасын айтты.
“Біз әлдеқайда нәзік механизм ойлап таптық, қазір сонымен жұмыс істеп жатырмыз. Ол ойлағанымыздан күрделі болып шықты, бірақ келесі жылы 1 шілдеден бастап жаңа жылдық сыйақы мөлшерлемелері мен ипотеканың тиімді мөлшерлемесі енгізіледі”, – деп қорытындылады Ұлттық банк басшысы.
"Тарифтер өсіп, мобильді аударымдарға бақылау күшейеді": 1 сәуірден бастап Қазақстанда не өзгереді
