Қазақстанда 1 мамырдан бастап криптовалюта айналымы бақылауға алынады
Қазақстанда 2026 жылдың 1 мамырынан бастап цифрлық активтердің айналымы жүйелі түрде реттеледі. Бұл туралы Stan.kz ақпарат агенттігі хабарлайды.
Ұлттық банк мәліметінше, тиісті заңнамалық түзетулер "Қазақстан Республикасындағы цифрлық активтер туралы" заңда көрсетілген.
“Цифрлық активтер айналымының тұтас құқықтық режимі қалыптастырылды, олар реттелетін ортада қолданылады”, – делінген Ұлттық банк хабарламасында.
Жаңа реттеу аясына цифрлық активтердің мына түрлері кіреді:
- қамтамасыз етілмеген цифрлық активтер (криптовалюталар);
- цифрлық қаржы активтері (ЦҚА), соның ішінде: ақшамен қамтамасыз етілген стейблкоиндер; токенделген нақты активтер; дәстүрлі қаржы құралдарының цифрлық нысандары.
Ұлттық банк ЦҚА капитал тарту мүмкіндіктерін кеңейтіп, инвесторларға әр түрлі активтерге қол жеткізетін жаңа инвестициялық құралдар класын қалыптастыратынын атап өтті.
“Бір мезгілде қамтамасыз етілмеген цифрлық активтер айналымының реттелетін ауқымы кеңейтіледі. Олардың айналымы цифрлық активтер қызметінің лицензияланатын провайдерлері арқылы кеңейтіледі, бұл операциялардың ашықтығын және мемлекет тарапынан бақылауды қамтамасыз етеді”, – делінген хабарламада.
ОқыңызНарықтың жұмыс істеуін қамтамасыз ететін цифрлық активтер қызметтерінің провайдерлері институты енгізіледі. Олар:
1) цифрлық қаржы активтері платформаларының операторлары – ЦҚА цифрлық (токенизацияланған) нысанда шығаруды, сондай-ақ ЦҚА-мен мәмілелер жасау кезінде құқықтардың айналымын және есепке алынуын жүзеге асырады;
2) цифрлық активтердің сауда платформаларының операторлары – ЦҚА-мен және қамтамасыз етілмеген цифрлық активтермен (криптобиржа) сауда-саттықты ұйымдастыруды және жүргізуді қамтамасыз етеді;
3) қамтамасыз етілмеген цифрлық активтерді айырбастау операторлары – қамтамасыз етілмеген цифрлық активтерді (крипто айырбастау орны) сатып алу және сату бойынша операцияларды орындайды.
Көрсетілген провайдерлер цифрлық активтердің әмиянын ашып, оларға қызмет көрсетуді қамтамасыз етеді, сондай-ақ пайдаланушылардың операциясын реттелетін ортада жүргізеді.
Еске салсақ, бұған дейін 19 шілдеден бастап Қазақстанда барлық банкке ортақ бірыңғай QR жүйесі іске қосылатыны туралы жазған едік.
