Бойжеткеннің өзі қатар жігіттерге тек жаңа бой түзеп, қыз болып бойжеткенде ғана көңілі ауған. Есейе келе жас жігіттердің қалтасының таяздығын түсініп, олардан бойын мүлде аулақ ұстай бстаған. Есесіне отбасылы болса да, қалталы азаматтарға құрық салуды жөн көрген.

«Бірде құрбыммен кездесіп отырып, қалталы азаматпен таныстым. Жасы үлкен болғанымен, әзілқой екен. Жүзі де өңді. Әңгімеміз жарасып, кездесе бастадық. Ол Астанадан жұмыс барысымен Алматыға келген екен. Кейін оның отбасылы екенін білдім. Ол маған ғашық екенін айта бастады», – дейді бойжеткен.

Қалталы азамат осылайша екі қалада екі әйелмен кездесіп жүрген. Алайда, көңілдесіне уақыт өте келе бауыр басып қалған тоқалы оны отбасынан ажыратуға бел байлайды. Әйеліне хабарлап, болған жайтты жайып салады. Бірақ мұндай жанжалдан соң көңілдесі тоқалынан бойын аулақ ұстай бастаған. Біраз уақыт өткен соң кешірім сұрап қайта келген. Бірақ отбасымен ажырасу туралы бұан кейін әңгіме қозғалмаған.

«Әрине, ол менің барлық жағдайымды жасап береді. Киімімнен бастап, тұратын үйіме дейін көмектеседі. Соның арқасында бір бөлмелі пәтерімді жаңа пәтерге ауыстырып, көлік алдым. Көптеген сыйлықтар алып тұрам», – дейді қыз.

Ол күйеуінің қас-қабағына қарап отыратын қыздарға қарағанда тоқал болып шалқып өмір сүргеннің әлдеқайда жақсы екенін айтады. Оның үстіне тоқал болсаң, өзге де еркектермен кездесе алатын мүмкіндік барын ескертеді.

Тоқал қыз одан бөлек өзге еркектемен жасырын кездесіп тұратынын айтады. Ал, мұның дұрыс еместігін түсіндіргісі келетіндердің сөзін елегісі де келмейді.

Талқылау