Кассирдің үстіне бензин құйып, өртеймін деп қорқытқан: Қарағандыда микронесие ұйымын тонағандар ұсталды
Қарағандыда бір шырпының көмегімен микронесие беретін ұйымды тонап кеткендер ұсталды. Ерекше тәсілмен қылмыс жасағандардың ізін жасыруға миы жетпеген, деп хабарлайды Stan.kz ақпарат агенттігі "КТК" арнасына сілтеме жасап.
19 және 28 жастағы жігіттер ломбардқа өткізген дүниелерін сатып алу үшін қылмысқа барған. Ақшадан қатты қысылған күдіктілер кассирдің үстіне бензин шашып, шырпы тұтатқан. Зәресі ұшқан келіншек кассадағы 120 мың теңгені олардың қолына ұстата салды.
Араға екі күн салып полицейлер қаскөйлерді қолға түсірді. Күдіктілер қылмысын бірден мойындаған. Енді отпен ойнағандар 10 жылға дейін сотталуы мүмкін.
Еске салайық, 9 ақпан күні түстен кейін қарақшылар Қарағандыдағы шағын несие ұйымын тонады. Олар 28 жастағы кассир қызға бензин құйып, ақша беруін талап еткен.
Балалар құсып, іші өтіп жатыр: Қазақстанда инфекция таралып жатыр ма?
Мамандар әзірге ауру жаппай өршіді деуге негіз жоқ екенін айтады
"Шай құймаймын, бір рет те тамақ пісірмедім": Түрікке тұрмысқа шыққан қазақ қызы енесімен қарым-қатынасы туралы айтты
Дина: “Күйеуім Алматыдан үй алуыма көмектесіп, ауырғанда жанымнан табылды”