Израиль лаңкестерге өлім жазасын енгізбек

Израильде заңнама жөніндегі министрлер комитеті терроризм үшін сотталғандарға өлім жазасын енгізуді мақұлдады деп хабарлайды Stan.kz ақпарат агенттігі The Times of Israel порталына сілтеме жасап.

Израиль премьер-министрі Биньямин Нетаньяху әлеуметтік желіде Ұлттық қауіпсіздік министрі Итамар Бен-Гвирмен бірге Израильдің қауіпсіздігін нығайту үшін кез келген заңды әрекетке баратынын мәлімдеді.

"Біз террорларға қатты соққы беріп, елімізге тамырымызды терең жаю арқылы жауап қайтарамыз", – деді Нетаньяху.

Жақын арада заң жобасы Кнессеттің (парламент) қарауына жіберілмек.

Айта кетсек бұған дейін Беларусь билігі мемлекетке опасыздық жасағандар үшін өлім жазасын енгізбек болған еді.