Иракта депутаттың үйінен алтыннан жасалған іш киім мен 57 миллион доллар табылды

Иракта жүргізілген ауқымды жемқорлыққа қарсы операция кезінде депутат Хинд әл-Аббасидің үйінен ондаған миллион доллар қолма-қол ақша, 27 келі алтын және алтыннан жасалған іш киім табылғаны хабарланды. Алайда бұл мәліметті Ирак билігі әзірге ресми түрде растаған жоқ. Бұл туралы Stan.kz ақпарат агенттігі haberler.com порталына сілтеме жасап хабарлайды.

Иракта жүргізілген жемқорлыққа қарсы ірі операция барысында депутат Хинд әл-Аббасидің үйінен 57 миллион АҚШ доллары көлеміндегі қолма-қол ақша, 27 келі таза алтын және алтыннан жасалған іш киім табылғаны хабарланды. Тергеу аясында депутаттар мен жоғары лауазымды шенеуніктерді қоса алғанда 47 күдікті ұсталып, іс әлі де жалғасып жатыр.

Тергеу барысында Хинд әл-Аббасидің үйіне тінту жүргізіліп, ондаған миллион доллар мен ондаған келі алтын тәркіленгені айтылды. Сонымен қатар операция кезінде алтыннан жасалған іш киім де табылғаны туралы ақпарат тарады.

БАҚ мәліметінше, жемқорлыққа қатысты тергеу барысында депутаттар мен мемлекеттік қызметкерлерді қоса алғанда 47 адам қамауға алынған. Тергеу мемлекеттік қаржыны мақсатсыз пайдалану және сыбайлас жемқорлық фактілеріне қатысты кең ауқымды істің бір бөлігі екені айтылған.

Хинд әл-Аббасидің Ирак парламентінің ресми сайтында депутат ретінде тіркелгені көрсетілгенімен, тінту жұмыстары мен тәркіленген заттарға қатысты Ирак билігі әзірге ресми мәлімдеме жасаған жоқ.

Оқыңыз

10 шақты пәтер, бірнеше жер телімі мен қымбат көліктер: "Kizdar.net" сайтының ұйымдастырушыларынан бірнеше мүлік тәркіленді Оқыңыз

Кейінгі уақытта Иракта премьер-министр Али әл-Зейди бастаған үкімет ауқымды жемқорлыққа қарсы операция жүргізіп жатыр. Қауіпсіздік күштері таңсәріде негізінен Бағдад қаласында және басқа да өңірлерде рейдтер өткізіп, депутаттар, жоғары лауазымды шенеуніктер мен мемлекеттік қызметкерлердің үйлеріне тінту жасаған.

Ресми мәліметтерге сәйкес, кемінде жеті депутат пен бірнеше жоғары лауазымды мемлекеттік қызметкерді қоса алғанда 47 адам ұсталған. Тергеу барысында миллиондаған доллар қолма-қол ақша, алтын, көп мөлшерде қару-жарақ пен оқ-дәрі тәркіленген.

Сондай-ақ Ирактың Жоғарғы сот кеңесі бұрынғы мұнай министрінің орынбасарына қатысты іс бойынша шамамен 10 миллион АҚШ доллары, 3 миллиард ирак динары, алтын бұйымдар, көп мөлшерде ұзын ұңғылы қару және 40-қа жуық жылжымайтын мүлік тәркіленгенін мәлімдеді.

Премьер-министр Али әл-Зейди жемқорлықпен күресте ешқандай ымыра болмайтынын айтып, алдағы уақытта операциялар аясында тағы да жаңа тұлғалар жауапқа тартылуы мүмкін екенін жеткізді.

Айта кетейік, депутаттың үйінен 57 миллион доллар, 27 келі алтын және алтыннан жасалған іш киім табылғаны туралы ақпарат әзірге Ирак билігі тарапынан ресми түрде расталған жоқ.

Еске салайық, былтыр 25 шілдеде сот Перизат Қайратты аса ірі көлемде алаяқтық және қылмыстық жолмен алынған ақшаны заңдастырды деп танып, 10 жылға бас бостандығынан айырды. Анасы Ғайни Алашбаева да кінәлі деп танылып, 7 жылға сотталды. Сот үкімімен Перизат Қайраттың мүлкі тәркіленді. Оның қатарында Mercedes-Benz S450, Lexus LX 600, Haval H6 GT және Mercedes-Benz EQE 500 4Matic автокөліктері, Vela Village коттедждер қалашығындағы тұрғын үй, Akbulak Riviera, Sensata Plaza, Highvill Ishim Gold және "Көк Жайлау" тұрғын үй кешендеріндегі пәтерлер мен автотұрақтар, "Rebel Flowers" ЖШС-нің 100 пайыз үлесі, сондай-ақ 97 миллион теңгеден астам қаражат пен 22 мың АҚШ доллары бар. Тергеу мәліметінше, іс бойынша 47 адам жәбірленуші деп танылған.