Индира Расылхан лаңкестік кезінде өзге елде қалған балаларына жете алмай отыр

Индира Расылхан елдегі жаппай тәртіпсіздіктер кезінде өзге елде қалып қойған отбасына жете алмай отыр. Бұл туралы әнші желідегі парақшасында жазды, деп хабарлайды Stan.kz ақпарат агенттігі. 

“Басы қатты болса, аяғы тәтті болады” деп атам қазақ үнемі жақсылыққа сенген ғой.

Мына арпалыстан әлі бала-шағама жете алмай жатқан жайым бар. 20 күндей бөтен елде қалған қыздарым мен ұлым және анамды сағындым. Кім ойлаған..

Қолымыздан келер шара жоқта, Жаратушымызға тапсыратын жүректегі сенім ғана көңілді жайландыратыны анық. Қазағымды Алла амандықта етсін! Ұрпағымыздың бейбіт өмірде өмір сүруін тіледім", –  деп жазба қалдырды ол. 

• "Қарапайым халық өз үйін тонамайды": Әнші Бүркіт Алматы көшесінен видео жариялады

• Алматыда ресейлік миллиардерді террористпен шатастырып алған

Айта кетейік, Индира Расылхан өткен жылдың соңында өнерді біржола тастағанын айтқан еді. Психологияға бет бұрған Индира отбасымен бірге Ыстамбұлда жүрген болатын. Тәртіпсіздік басталмас бұрын әнші елге келген.