ХАМАС-ты жойып тастау мүмкін емес – Израиль армиясының өкілі
19 маусымда Израиль армиясының жоғары өкілі ХАМАС-ты жою мүмкін емес деп мәлімдеп, үкімет палестиналық содырлар тобын жоюға дайын екенін тез арада растады.
Фото: pixabay.com
“7 қазанда Хамастың Израильге бұрын-соңды болмаған шабуылынан туындаған сегіз айдан астам соғыс исламшыл содырларды Газа секторынан ығыстырып шығара алмады, бірақ жаппай қырып-жоюға әкелді”, – деді Франс Пресс.
Контр-адмирал Даниел Хагари Израильдің 13 арнасына сұхбат беріп, ХАМАС туралы пікір айтты.
“Хамасты жоқ етеміз деу – адамдардың көзіне құм шашу деген сөз. Егер біз балама ұсынбасақ, ХАМАС-пен аяқтаймыз. Хамас – бұл идеология, біз идеологияны жоя алмаймыз”, – деді Хагари.
Оның бұл сөздерін Израиль премьер-министрі Биньямин Нетаньяху әкімшілігі бірден сынға алды. Нетаньяху әкімшілігі Газадағы шабуыл ХАМАС жеңілмейінше тоқтамайды деп мәлімдеді.
“Премьер-министр Нетаньяху басқаратын саяси және қауіпсіздік істері кабинеті ХАМАС-тың әскери және әкімшілік мүмкіндіктерін жоюды соғыс мақсаттарының бірі ретінде анықтады”, – делінген премьер-министр кеңсесінің мәлімдемесінде.
Еске салайық, бұған дейін Израиль әскері Газа секторының оңтүстігіндегі күндізгі шайқасты тоқтатқанын жазған едік. Тактикалық үзілістер туралы шешім Палестина анклавына келетін гуманитарлық көмек көлемін арттыру мақсатында қабылданды.