Google қолданушыларды заңсыз бақылайды деп айыпталды

Google өз пайдаланушыларына заңсыз бақылау жасады деп айыпталды. Business Insider басылымының мәліметтері бойынша, компания бұл функция смартфон иелерінде қосылмаған болса да, геолокация туралы деректерді алуды жалғастырды, деп хабарлайды Stan.kz ақпарат агенттігі. 

Сонымен қатар, корпорация гаджет өндірушілерін Android пайдаланушыларынан құпиялылық параметрлерін жасыруға мәжбүрледі.

Еске салсақ, былтыр мамыр айында Аризона штатының Бас прокуроры Марк Брнович Google-ді пайдаланушылардың орналасқан жерін заңсыз бақылағаны үшін айыптады.

Google компаниясы жағдайға қатысты ешқандай түсініктеме бермеген.

Айта кетейік, Google-ге қарсы іс 2020 жылы Аризона Бас прокуратурасының бастамасымен басталған еді. Google өз аккаунттарындағы тиісті функцияларды өшірген кезде де пайдаланушылардың деректерін заңсыз жинады деп айыпталып отыр.