Ғалымдар тез ұйықтауға көмектесетін құрылғы ойлап тапты
Массачусетс технология институтының (MIT) ғалымдары адамға тез ұйықтап қалуға көмектесетін құрылғы ойлап тапты. Бұл туралы Stan.kz ақпарат агенттігі Interesting Engineering-ке сілтеме жасап хабарлайды.
Фото: Interesting Engineering
Ресми статистикаға сүйенсек, дүниежүзіндегі ересектердің 80%-ы ұйқысының сапасын жақсартқысы келеді. Америкалық ғалымдар осыны ескеріп Elemind деген құрылғыны әзірледі. Ол жұмсақ таңғыш сияқты. Адам оны басына тағады. Құрылғы нейромодуляция арқылы адамның ми толқынына әсер етіп, сергек күйін терең ұйқы фазасына ауыстырады.
Жаңа технологияны жасағандардың айтуынша, бұл құрылғы адамға күйзелістен арылуға, дәрі-дәрмек ішпей-ақ тез ұйықтауға, тынығуға көмектеседі.
Elemind-тің басты артықшылығы - ұйқы ұзақтығын бақылай алатынында. Қолданушы оянған соң, оны пайдаланғысы келмесе, құрылғыдағы бір тетікті басып өшіре алады.
Құрылғы жақында АҚШ-та сатыла бастайды. Бағасы – 349 АҚШ доллары.
Қазақстанда күз келсе де күн неге жаздағыдай жылы: Cиноптиктер себебін айтты
Әлемдік климат тұрғысынан 2026 жылдың соңы мен 2027 жылдың алғашқы айлары маңызды кезең болмақ
Алматыдағы "Достық Плаза" маңынан түлкі байқалды: Зоолог мұның қалыпты жағдай екенін айтты
Зоолог Алексей Грачев түлкілер түрлі аурулардың, соның ішінде құтырудың тасымалдаушысы болуы мүмкін екенін де ескертеді